مقارنة iOS 26 و iOS 18: إيه الفرق وهل التحديث يستاهل؟

لو بتدور علي مقارنة iOS 26 و iOS 18 ف انت في المكان الصح و اخيرا في مؤتمر المطورين WWDC 2025 الي بيتنشر فيه اهم اخبار التقنية، آبل أعلنت عن احدث نسخة جديدة كليًا من نظام تشغيل الآيفون، لكن المفاجأة إن النظام الجديد مش iOS 19 زي ما الكل كان متوقع، بل اسمه iOS 26، ومفروض ينزل رسميًا في نهاية سنة 2025.

وده خلّى ناس كتير تسأل: هو تغيير الرقم ده مجرد حركة تسويقية؟ ولا فعلًا النظام فيه نقلة كبيرة تخلينا نفكر نحدث؟
في المقال ده، هنعمل مقارنة بين iOS 26 و iOS 18، وهنشوف أهم الفروق، وهل فعلًا التحديث يستحق ولا لأ.

---

أولًا: إيه اللي قدمه iOS 18؟

نظام iOS 18 نزل في سبتمبر 2024، وجاب شوية تحديثات حلوة، وخصوصًا في موضوع الذكاء الاصطناعي والشكل العام. أهم الحاجات كانت:

1. Apple Intelligence – الذكاء الاصطناعي من آبل

1. Apple Intelligence – دخول آبل لعالم الذكاء الاصطناعي

من أبرز الإضافات في iOS 18 كانت Apple Intelligence، وهي منظومة ذكاء اصطناعي بتخلي النظام أذكى في التعامل مع المستخدم.

من أبرز الحاجات اللي قدمتها:

• أدوات كتابة ذكية تقدر تساعدك تعيد صياغة الرسائل والإيميلات.
• ميزة “الذكاء البصري” اللي بتخلي الكاميرا تتعرف على الأشياء والأماكن داخل الصور وتبحث عنها.
• ميزة Image Playground، ودي بتخليك تولّد صور مباشرة على جهازك من خلال أوامر نصية.

بس كل ده كان متاح لأجهزة معينة فقط: iPhone 16 و iPhone 15 Pro.

2. تخصيص الشاشة الرئيسية

آبل سمحت للمستخدمين بتعديل شكل الأيقونات، تغيير ألوانها، وتوزيعها بحرية في أي مكان على الشاشة.

3. مركز التحكم الجديد

اتغير تصميم مركز التحكم، وبقى ممكن تضيف اختصارات لتطبيقاتك المفضلة، حتى لتطبيقات الطرف الثالث، وتنظمها حسب فئات زي “المنزل”، أو “العمل”.

4. الخصوصية

بقيت تقدر تقفل تطبيقات أو تخفيها، وتتحكم في الجهات اللي بتقدر التطبيقات تشوفها من جهات الاتصال. وكمان تقدر تتحكم في الأجهزة اللي بيقدر التطبيق يتصل بيها.

5. الرسائل

أنماط تنسيق جديدة للنصوص زي الخط المائل والتسطير.

تأثيرات بصرية في النص (Text Effects).

تجربة رسائل أغنى وأسهل.

6. واجهة جديدة لتطبيق الصور

تطبيق الصور حصل على تصميم جديد بالكامل، مع فلاتر متطورة وتنظيم ذكي للمجموعات. بس التصميم الجديد كان عليه جدل واسع، ومش كل الناس حبّوه.

---

ثانيًا: إيه الجديد في iOS 26؟

دلوقتي نروح نشوف في مقارنة iOS 26 و iOS 18 إيه اللي فعلاً تغير أو اتطور:

في مقارنة iOS 26 و iOS 18، هنلاحظ إن التغيير مش بس في الرقم. iOS 26 بيقدم تصميم جديد كليًا، ومجموعة من المزايا الذكية اللي ممكن تغير طريقة تعاملك مع الآيفون.

1. تصميم الزجاج السائل (Liquid Glass)

آبل استخدمت لغة تصميم جديدة كليًا اسمها “Liquid Glass”، بيخلي القوائم والواجهة شبه زجاج شفاف، وفيه تفاعل ذكي بين الخلفية والإشعارات.

2. تطبيق الكاميرا

اتبسّط بشكل كبير، مفيش أوضاع كتير تلخبط، بس زرار للصور وزرار للفيديو، والباقي سهل توصله من الجنب أو بالسحب لفوق.

3. CarPlay

بقى أذكى وأسهل. المكالمات والرسائل بتظهر في جزء صغير من الشاشة، من غير ما تأثر على الخريطة، وكمان بقى فيه تحكم في المكيف (لو عربيتك بتدعمه).

بالإضافة إلى (Widgets) تعرض بيانات مباشرة مثل حال الرحلات الجوية.

4. مساعد ذكي في المكالمات

ايضا حصل تطبيق الهاتف الخاص بالمكالمات على تصميم جديد يعرض تبويبات جديدة، هي: المفضلة، والمكالمات الأخيرة، والرسائل الصوتية التي توفر ملخصات مكتوبة بالذكاء الاصطناعي.

و ميزة مزية تصفية المكالمات (Call Screening) ميزة قوية جدًا. المساعد بيرد على الأرقام المجهولة، بيرد و يسأل عن هوية المتصل وسبب الاتصال ويسألك تحب ترد ولا لأ. كمان لو حد خلك على الانتظار، المساعد بيكمل مكانك لحد ما الطرف التاني يرجع.

5. تطبيق الرسائل

بقى تقدر تخصص خلفية للمحادثات الجماعية، وتعمل تصويت، وتشوف مين بيكتب حالا ردود، وكمان تدمج رموز تعبيرية جديدة.

كمان، الذكاء الاصطناعي هيقدر يفلتر الرسائل المزعجة بشكل تلقائي ويحطها في قسم خاص بعيد عن المحادثات المهمة. وبالنسبة لميزة Image Playground، فهي هتخلي المستخدم يقدر يصمم صور شخصية (Memoji) جديدة بطريقته، ويختار لها تعابير وجه وحركات زي ما يحب.

6. الترجمة الفورية

ميزة جبارة: المحادثات سواء كتابية أو صوتية بتتترجم لحظيًا، سواء في المكالمات أو فيس تايم.

7. Games App تطبيق الألعاب الجديد

بقى فيه مكان واحد لكل ألعابك، وكمان تقدر تشوف صحابك بيلعبوا إيه وتشاركهم التحديات.

كمان التطبيق بيتيح عرض محتوى خدمة Apple Arcade، وفيه تبويب اسمه (اللعب معًا) أو Play Together، واللي من خلاله تقدر تتابع الألعاب اللي بيلعبها أصحابك وتشارك معاهم في تحديات جماعية.”

8. الذكاء البصري المطور

مش بس الكاميرا، كمان صور الشاشة(السكرين شوت) بقت مفهومة للنظام. يعني تاخد سكرين من إنستجرام أو منتجاو بوست فيه معاد، والنظام يديك تفاصيل عنه أو يحجز لك الموعد تلقائيًا.

9. مزايا إضافية

• تطبيق خرائط آبل بقى يقدر يعرض مسارات بديلة للرحلات اللي بتكررها باستمرار، عشان تختار الأنسب لك.
• محفظة آبل دلوقتي بتسمحلك تضيف هويتك الرقمية وجواز سفرك الأمريكي، وده بيسهّل عليك التنقل في الرحلات الداخلية.
• كمان فيه واجهة جديدة تمامًا لتطبيق Apple Music، بتقدم تجربة استخدام أفضل وأسهل.

---

مقارنة iOS 26 و iOS 18 ؟ وهل التحديث يستاهل

في مقارنة iOS 26 و iOS 18 نقدر نقول إن iOS 26 تحديث حلو بس مش الي كنا مستنينه، فبعيدا عن الشكل و كام خاصية حلوه اتضافة مفيش التغير الثوري او الي هيغير استخدامك كله. التصميم اتغير مع تصميم Liquid Glass المميز، الأداء اتحسّن، والذكاء الاصطناعي بقى جزء أساسي من كل حاجة
بس هو نفس التحكم نفس كل حاجه و التصميم الجديد شفاف جدا ممكن يواجهك صعوبة في القرائة في بعض الاحيان.

هل أنصحك بالتحديث لـ iOS 26؟

هو نظام جديد اه بس اتقل و ثقيل علي الاجهزة عشان كده ابل قالت ان الشرايح الجديد هي الي سمحت اننا ننزل تصميم زي ده
حدث لو معك iPhone 15 Pro أو أحدث للاستفادة الكاملة من ميزات الذكاء الاصطناعي الجديدة.

لو جهازك اقدم ممكن تستني لحين اصدار النسخة المستقرة في سبتمبر